კანონიერ ქურდებს შორის გაჩაღებული ომი რუსეთის ფარგლებს გასცდა. იტალიაში, ქალაქ ნეაპოლში ქართველ „კანონიერ ქურდს“ გიორგი ბურდულს თავს დაესხნენ. გავრცელებული ინფორმაციით 26 წლის „გიგა დიდუბსკის“ სნაიპერმა მაშინ ესროლა, როდესაც იგი საკუთარ სახლში კომპიუტერთან იჯდა. გიორგი ბურდულმა უმძიმესი ჭრილობა თავის არეში მიიღო და ამ დრომდე საავადმყოფოში, კომატოზურ მდგომარეობაში იმყოფება, მისი მდგომარეობა კრიტიკულია.

რუსულ მედიის ინფორმაციით გიორგი ბურდული „კანონიერ ქურდად“ საბერძნეთში, ერთი წლის წინ აკურთხეს, მას შემდეგ რაც მან თბილისის საპატიმრო დაწესებულება დატოვა.

ბურდულზე თავდასხმა შესაძლოა კრიმინალურ კლანებს შორის გაჩაღებული ომის გაგრძელება იყოს. როგორც ცნობილია „გიგა დიდუბსკი“ საბერძნეთში „მოღვაწე“ კრიმინალურ კლანთან ასოცირდება, რომელსაც ამჟამად აქტიური კონფლიქტი აქვს რუსულ კლანთან. primecrime.ru-ს ინფორმაციით "გიგა დიდუბსკის" კანონიერ ქურდად კურთხევა ცნობილი კრიმინალური ვტორიტეტის, ვაჟა ბიგანიშვილის ხელდასმით მოხდა და იგი მრეაბ ჯანგველაძის კლანში მოიაზრება, რომელსაც ამჟაამად აქტიური კონფლიქტი აქვს რუსეთში მოქმედ ე.წ "ჰასანის" კლანთან.

გავრცელებული ინფორმაციით, გიორგი ბურდულის მუდმივი სახცოვრებელი ადგილი ბოლო წლებში იტალიის საპორტო ქალაქი ნეაპოლია, სადაც იგი მეუღლესთან ერთად და რამდენიმე „კანონიერ ქურდთან“ ერთად იმყოფება.