მთავარი პროკურორის გიორგი ბადაშვილის თქმით, ზურაბ ჟვანიას გარდაცვალების საქმეში გამოძიებამ არაერთი მნიშვნელოვანი დეტალი გამოავლინა.

ამის შესახებ გიორგი ბადაშვილმა გაზეთ „კვირის პალიტრასთან“ ინტერვიუში განაცხადა.

მისი თქმით, აღნიშნულთან დაკავშირებით ჟვანიას და იუსოპოვის ოჯახები ინფორმირებულები არიან.

"როგორც საზოგადოებისთვის ცნობილია, სისხლის სამართლის პასუხისგებაში მიეცნენ ზურაბ ჟვანიას პირადი დაცვის წევრები – ხარშილაძე და ძაძამია, ასევე, ექსპერტი ჩაჩუა, რომელთა ქმედებებსაც წინა ხელისუფლებამ არ მისცა სათანადო სამართლებრივი შეფასება. ყოფილი პრემიერ-მინისტრის გარდაცვალების საქმეში გამოძიებამ გამოავლინა არაერთი მნიშვნელოვანი დეტაილ, რომლებზეც, ბუნებრივია, ამჟამად ვერ ვისაუბრებ. გამოძიების მიმდინარეობის შესახებ სრულად არიან ინფორმირებული ზურაბ ჟვანიასა და რაულ იუსუპოვის ოჯახის წევრები. ისინი ჩართულნი არიან გამოძიების მიმდინარეობაში", - განაცხადა ბადაშვილმა.