ეროვნული ბანკის ყოფილი პრეზიდენტი იუსტიციის მინისტრის განცხადებას ეხმაურება, სადაც წულუკიანი ამბობს, რომ უზენაესი სასამართლოს თავმჯდომარის კანდიდატურასთან დაკავშირებით მთავრობამ და პრეზიდენტმა კონსულტაციები უნდა დაიწყონ.

„იუსტიციის მინისტრი პრეზიდენტს მოუწოდებს: მთავრობამ და პრეზიდენტმა პარლამენტს შევთავაზოთ უზენაესი სასამართლოს შეთანხმებული კანდიდატურაო!

სად წერია კონსტიტიციაში ასეთი რამ? პრეზიდენტის გადასაწყვეტია, თუ ვის წარადგენს. ჩააგდებენ? ისევ წარადგენს.

ეს საკითხი იმდენად მნიშვნელოვანია, რომ ღირს ცოტა ნერვების აშლად.

წინასწარი კონსულტაცია რა თქმს უნდა შესაძლებელია, თუ ამის მიზანი არ იქნება მთავრობის მიერ შერჩეული კანდიდატურის თავსმოხვევა.

ახალი თავმჯდომარე არ უნდა იყოს ძველი პოლიტიკური გამოცდილებით თუ ცოდვებით დამძიმებული. ეს ის შემთხვევაა, როცა ახალი ცოცხი მართლაც სჯობს ძველს“, - წერს სოციალურ ქსელში რომან გოცირიძე.

იუსტიციის მინისტრის თქმით, უზენაესი სასამართლოს თავმჯდომარის კანდიდატთან დაკავშირებით მთავრობამ, პრეზიდენტის ადმინისტრაციამ და პარლამენტმა კონსულტაციები უნდა დაიწყოს. თეა წულუკიანი იმედოვნებს, რომ ხელისუფლების არც ერთი შტო ამ ტემას განხეთქილების ვაშლად არ აქცევენ.