"ვიღაცამ გუგულის გადაუფრინა! - უფრო მძაფრი სცენები და CNN ზეც ვიქნებით"

სოც.მედია - 16:18, 27 Dec, 2014

2272

„თავისუფალი დემოკრატების“ ერთ-ერთი ლიდერი ალექსი პეტრიაშვილი პარლამენტში გუშინ მომხდარ ჩხუბს სოციალურ ქსელში ეხმაურება.

"ვიღაცამ გუგულის გადაუფრინა"!

დილიდან ევრონიუსზე აჩვენებენ გუშინდელ კორდებალეტს პარლამენტში! თანაც, ამბობენ ჩხუბი ევროპის საბჭოში დელეგაციის ქვოტებისთვის იყოო ))) რა საჭიროა მართლა ან საელჩოები, ან ლობისტები, ან რატიფიკაციაზე ჩასვლა/არ ჩასვლები! ერთი ტყაპატყუპი და ევრონიუსზე ხარ! ცოტა უფრო მძაფრი თუ იქნება ძალადობის სცენები, CNN ზეც ვიქნებით! ხოდა იდეა დამებადა! ჩვენც გადავიღოთ ჩვენი "კუკუშკა". კაპიკები დაგვიჯდება. შემსრულებლები - სუპერ! მსახიობები ჩვენი არ გვყავს თუ რაა? სიუჟეტიც - მმაგაარ - ევროპა-დედა-რუსეთი - ევროპაც ყველას პირზე აკერია, დედაც და რუსეთიც! და შევკლასავთ ევროკავშირში! რაღაც კრეაწივნი უნდა გავაკეთოთ, თორე რეფორმებით შორია, ლობისტებით ძვირია! ასე კიდე უცებ ჰოპ და შიგნით ხარ!

ჩვენი ეროვნული პეწი რო შეგვენარჩუნებინა, გადავწყვიტე სულ ოდნავ შემეცვალა სახელი და დამერქმია "ვიღაცამ გუგულის გადაუფრინა" თან რეალისტურია, თან აი სათაურიდანვე რო ჩაგითრევს რა! მე უბრალოდ იდეა გითხარით! (ქალბსტონ გუგულის ჩემი ღრმა პატივისცემა!)", - წერს პეტრიაშვილი „ფეისბუქის“ პირად გვერდზე.