იუსტიციის მინისტრის თქმით, უზენაესი სასამართლოს თავმჯდომარის კანდიდატთან დაკავშირებით მთავრობამ, პრეზიდენტის ადმინისტრაციამ და პარლამენტმა კონსულტაციები უნდა დაიწყოს.

თეა წულუკიანი იმედოვნებს, რომ ხელისუფლების არც ერთი შტო ამ ტემას განხეთქილების ვაშლად არ აქცევენ.

„მინდა მოვუწოდო საქართველოს პრეზიდენტს, რომ დავსხდეთ კონსულტაციების მაგიდასთან და პარლამენტს შევთავაზოთ ის კანდიდატურა, ვინც ყველასთვის მისაღები იქნება. მჯერა, რომ არც პარლამენტი, არც მთავრობა და არც პრეზიდენტი ამ თემას განხეთქილების ვაშლად არ გახდიან, რადგან ეს იქნება საზიანო ჩვენი ქვეყნის ინსტიტუციური განვითარებისთვის", - განაცხადა წულუკიანმა.