იუსტიციის მინისტრი თეა წულუკიანი ეხმაურება გახმაურებულ ინფორმაციას, რომლის მიხედვითაც უკრაინაში იუსტიციის ყოფილი მინისტრი ზურაბ ადეიშვილი უკრაინის ანტიკორუფციული სააგენტოს ხელმძღვანელად ინიშნება.

მისი თმით, ისეთი ოდიოზური ფიგურა როგორიც არის ზურაბ ადეიშვილი უკრაინის ნათელ მომავალს ვერ შექმნის.

"ჩვენი მოძმე უკრაინელი ხალხისთვის მინდა ნათელი ევროპული და დემოკრატიული მომავალი, გული შემტკივა იმის გამო, რაც მათ გადაიტანეს და რა პრობლემების წინაშეც ახლა დგანან. ძალიან მალე დაიწყებენ მომავალზე ფიქრს და სახელმწიფოს მშენებლობას, გულწრფელად გეტყვით, არა მგონია, რომ ისეთი ოდიოზური ფიგურა, როგორიც არის ზურაბ ადეიშვილი, უკრაინის ნათელ მომავალს შექმნის, დანარჩენი, რა თქმა უნდა, უკრაინული სახელმწიფოს და უკრაინელი ხალხის სუვერენული გადაწყვეტილებაა", - განაცხადა თეა წულუკიანმა.