ავოიეეე, თქვენ ყველას შიგ ხომ არა გაქვთ?!- გოგა ხაინდრავა

პოლიტიკა - 23:44, 26 Dec, 2014

15481

გოგა ხაინდრავა გაზეთ „ალიასთან“ საქართველოში მიმდინარე პროცესებზე საუბრობს და „რესპუბლიკელებს“, „თავისუფალ დემოკრატებს“ და „ნაციონალურ მოძრაობას“ ირაკლი ღარიბაშვილის და ბიძინა ივანიშვილის წინააღმდეგ შეთანხმებულ ბრძოლაში ადანაშაულებს:

„ესენი არიან მამაძაღლები თავისი პოზიცია-ოპოზიციიანად. ვინც ეს დღეები "ურტყამდა" თავდაცვის მინისტრს, ყველანი არიან პოლიტიკური სპეკულანტები, პოლიტიკური "პროსტიტუტკები", სხვა მეტი ამას არავინ გააკეთებდა... პოლიტიკური ფუნიდან ბიძინა ივანიშვილის ამოყვანილები, საქართველოს ებრძვიან. იმასაც ვერ ბედავენ, პირდაპირ თქვან, ბიძინა ივანიშვილს ვებრძვითო... დაბალი ღობე ნახეს ღარიბაშვილი და უტევენ.

"რესპუბლიკელებიც" ოპოზიციაში წავიდნენ, ის, რასაც დათო ბერძენიშვილი აკეთებს, მაგას ოპოზიცია ჰქვია. როცა იძახი, მთავრობას ტყავს გავაძრობო, კი მაგრამ, ეს შენი მთავრობა არ არის, შე კაიდედმამიშვილო?!. მაგ კოალიციის წევრი არ ხარ?! მაგათაც "თავისუფალი დემოკრატებივით" გამოსდით, ოპოზიციაში კი გადავედით, მაგრამ პარლამენტში თანამდებობებს ვერ დავთმობთო, ასე არიან "რესპუბლიკელებიც", კოალიციაში კი არიან, მაგრამ ოპოზიციონერობენ, თან ამერიკისკენ აქვთ უკანალი მიტრიალებული და იქიდან შესდით ენერგეტიკა, მაგრამ საქართველოში აღარც ამერიკული და აღარც რუსული ენერგეტიკა აღარ იქნება, თუ ვინმესთვის ქართული ენერგეტიკა იგივეა, რაც რუსული, ეს მისი პრობლემაა.

მაგათი ვერაფერი გავიგე, ახლა ვეკითხები მათ, რატომ ხერხავთ იმ ტოტს, რომელზეც სხედხართ? ვისაც არ ეზარება და ვისაც მთელი ცხოვრება ხმა არ ამოუღია, ვისაც ხელი არ გაუშვია სააკაშვილის ერთ ორგანოზე, ყველა მაგათ აგინებს და ლანძღავს.

"დემოკრატები" და "ნაციონალები" რეზოლუციებით პარლამენტში ერთად გამოდიან. პირდაპირ ჩანს, რა დავალებაც მიიღეს იმ ბნელი ძალებიდან და მაკკეინისგან, მათ დავალებას ასრულებენ იმის იმედით, რომ ხელისუფლებაში მოვლენ.

დასავლეთის ბნელ ძალებს არ მოსწონთ საქართველოს ხელისუფლება, რომელიც არც ვაშინგტონის დაკრულზე ცეკვავს და არც მოსკოვის.. ღარიბაშვილი ასე არ იქცევა და მით უმეტეს ივანიშვილი, , დღეს მუხა არის ივანიშვილი, ის უნდა მოიჭრას და ამაზეა ყველა დაგეშილი.

ასეთი დაძაბული ვითარება მსოფლიოში არც მახსოვს, როდის იყო. პრაქტიკულად, სამხედრო დაპირისპირება მიმდინარეობს უკრაინაში. ცენტრალურ ევროპაში ომი მიდის და არც ერთი მხარე აღარ მალავს, აღმოსავლეთში ომია, ცეცხლი უკიდია ნახევარ მსოფლიოს. თქვენ გესმით, რა ხდება მსოფლიოში, სად ვყოფთ თავს?.. რუსეთის ხელისუფლებამ ნატოსთან მიმართებაში კატეგორიული განცხადება გააკეთა, მინდა ვაი-პოლიტიკოსებს შევძახო, - ავოიეეე, თქვენ ყველას შიგ ხომ არა გაქვთ?!. რა გინდათ ამ საქართველოსგან, რას გადაეკიდეთ?..“- აცხადებს გოგა ხაინდრავა