თბილისის საკრებულოში ბიუროს სხდომა ხმაურით წარიმართა. დეპუტატები პროექტ "პანორამა თბილისზე" საპროტესტო აქციის ფონზე მსჯელობდნენ.

დაპირისპირების მიზეზი პროექტის განხორციელებისთვის სოლოლაკის ტერიტორიის ნაწილისთვის ლანდშაფტური სტატუსის შეცვლა გახდა , ტერიტორიის ნაწილს "სარეკრეაციო ზონა 3-ის", ნაწილს კი "საცხოვრებელი ზონა 2-ის" სტატუსი მიენიჭა.

მერიის გადაწყვეტილება დამოუკიდებელმა დეპუტატმა ალეკო ელისაშვილმა და საკრებულოს "ნაციონალურმა ფრთამ" გააპროტესტა.

„ეს ყველაფერი საგანგებოდ ახალი წლის წინა დღეებში შემოტანილად მიმაჩნია, რომ ახალი წლის გოჭზე ფიქრში საზოგადოებამ ვერ მოიცალოს, ან თუნდაც ტელევიზიით ეს გაშუქდეს და ამაზე ქონდეს შესაბამისი რეაქცია.“- განაცხადა საკრებულოს დეპუტატმა, „ნაციონალური მოძრაობის“ წევრმა სევდია უგრეხელიძემ.

თამარ ელისაშვილის განცხადებით, პროცესი უნდა იყოს ღია და არა მხოლოდ საზოგადოებას და იმ ორგანიზაციებს, რომელიც კულტურული მემკვიდრეობის კუთხით არსებობს, უნდა ქონდეს ჩართვის საშუალება არამედ პროფესიულ საზოგადოებასაც.

სტატუსის შეცვლას უარყოფითად აფასებენ გარემოს დამცველი არასამთავრობო ორგანიზაციებიც, რომლებიც საკრებულოს გარეთ აქციას მართავდნენ.