,,ჩხუბიც კი არ შეგიძლიათ... ქვეყანას ახალი პარლამენტი სჭირდება“

,,ჩხუბიც კი არ შეგიძლიათ... ქვეყანას ახალი პარლამენტი სჭირდება“ - ნინო ბურჯანაძე

პოლიტიკა - 19:33, 26 Dec, 2014

2493

პარლამეტში მომხდარ ინციდენტს ეხმაურება ,,გაერთიანებული დემოკრატიული მოძრაობის“ ლიდერი ნინო ბურჯანაძე. ,,ყოჩაღ ბატონებო და ქალბატონებო ,,ქართული ოცნებიდან“ ივანიშვილის მეთაურობით, თქვენ არამხოლოდ გააცოცხლეთ ნაციონალური მოძრაობა, არამედ გემუქრებათ კიდეც“ - მიმართავს ბურჯანაძე ხელისუფლებას და მომხდარს აღმაშფოთებელს რეალობას უწოდებს. ბურჯანაძე ქვეყანაში ახალი პარლამენტის აუცილებლობაზე საუბრობს.

„ქვეყანას ნამდვილად სჭირდება ახალი პარლამენტი, ნამდვილად სჭირდება რეალური ხელისუფლება, რომელსაც არ შეეშინდება ყველაფრისათვის თავისი სახელის დარქმევა, არ შეშინდება დამნაშავეების დასჯის და არ შეეშინდება იმის გაკეთება, რაც სჭირდება ჩვენს ქვეყანას, და არა რომელიმე სხვა სახელმწიფოს. ეს აუცილებელია, რომ ქვეყანაში რეალობა შეიცვალოს. თუ ჩვენ გვინდა რომ სახელმწიფო სახელმწიფოდ დარჩეს, და მართლაც არ გადაიქცეს ტერიტორიად, რომელზეც აუცილებლად მობრუნდებიან „ნაციონალური მოძრაობის“ წარმომადგენლები. ამას ყველაფერს ისიც დაემატა, რომ ჩვენ ისიც დავიხანეთ, რომ თურმე „ქართულ ოცნებას“ არამარტო ქვეყნის მართვა არ შეუძლია, არამედ ელემენტარულად ჩხუბიც კი. სამწუხაროა ბატონებო“ - განაცხადა ნინო ბურჯანაძემ.