ჟურნალისტი ირაკლი ტაბლიაშვილი თავდაცვის სამინისტოს სკანდალურ განხადებაზე პრემიერ-მინისტრის დღეს გაკეთებულ შეფასებას ,,ფეისბუქის“ გვერდზე ეხმაურება.

,,გაღმა მიდავებაცაა და მიდავებაც - შეტევაზე გადასული აღმასრულებელი ხელისუფლება, ჩანს, არა მხოლოდ არ ნანობს თავდაცვის სამინისტროს ნათქვამს, პირიქით - ჯიუტად ცდილობს იმავეს "დამტკიცებას". აზრიც არ აქვს უკვე მათთვის იმის მტკიცებას, რომ "ომი უკრაინაში" არის "ომი საქართველოსათვის". აღმასრულებელ ხელისუფლებაში სწამთ და სჯერათ, რომ ასე არცაა და არც უნდა იყოს...

მეტიც, მათ სწამთ, რომ საგარეო ფრონტზე დაშვებული იყო შეცდომები და ისინი სულაც არ უკავშირდება ევროკავშირს, ნატო-ს თუ უკრანის ფრონტს... მთავარ და ერთადერთ შეცდომად ყოფილი ხელისუფლების ვერ-ჩაწიხვლას მიიჩნევენ და ასახელებენ.

პარალელურად, არ ვიცი რამდენი, მაგრამ, ჩემი ვარაუდით, არაუმცირეს 1 მილიოდი დოლარისა, იხარჯება "ნიუ-იორკ თაიმსის" ჩანარის მომზადება-ბეჭდვაში... მინისტრები საუბრობენ "სიცოცხლის ქვეყანა საქართველოზე", თავისივე წარმოდგენით აპიარებენ ქვეყანას და ბევრ მათგანს საერთოდაც წარმოდგენაც არ აქვთ ხედვებზე, პერსპექტივაზე, განვითარებაზე.

ამ ჩანართთან დაკავშირებით კიდევ იმას ვიტყვი, რომ ამგვარობებს მხოლოდ რუსები "ჩალიჩობენ", იხდიან ფულს... იხდიან და ჰგონიათ, რომ თუ "ნიუ იორკ თაიმსში" მათ შესახებ ჩანართი გაჩნდება, რუსეთის იმიჯი კარგი იქნება.

... თუმცა, მივუბრუნდეთ მთავარ სათქმელს ჭიკ... კი არა, ჯანელიძის უწყების წაშლილ განცხადებას... გავიგეთ, რომ არ ნანობთ და ისიც გავიგეთ, რომ მგლის თავზე სახარების კითხვასაც უნდა გავეშვათ ჩვენ - "მქადაგებლები"... ამავე დროს, თქვენი თანხმობით შემოდის ამ ქვეყანაში რუსი ხუბუტია და "მაესტროსაც", რომელიც იყო ქართული ბაზრისათვის სავსებით კარგი და მისაღები, ხელთ იგდებენ "დამოუკიდებელი სტუდიების" (თქვენ მიერ შექმნილი სტუდიების) მეპატრონეები, რომლებიც პარალელურად!!! არ მალავენ, რომ მუშაობენ სამთავრობო უწყებებში... თქვენ მრჩეველთა შორის არიან პირები, რომლებიც სულ უფრო ღიად აწვებიან დასავლეთს... ღიად საუბრობენ, რომ საქართველო ნეიტრალური უნდა იყოს... ღიად დასცინიან ატლანტიკურ ალიანსს და ღიადვე ამბობენ, რომ საშიში არაფერია ვთქვათ კახეთის რეგიონში რუსეთის პასპორტიზაციაში (დაუდასტურებელი ინფორმაცია) ან,დაღესტანიდან გადმოჭიმულ გზაში...

თან, რამდენადაც პრაქტიკულად დადასტურებულია, ემზადებით ახალი და რიგგარეშე არჩევნებისათვის... და არა იმიტომ, რომ თქვენსავე რიგებში მოკალათებული კოლექტიური ჭიკ... კი არა, ჯანელიძეები არ მოგწონთ, არამედ იმის გამო, რომ ნინო ანზორის ასულს მისცეთ ასპარეზი... დაუთმოთ და ის აქციოთ მთავარ პოლიტიკურ ძალად.

ამასობაში, ახალგაზრდები იღუპებიან თქვენ კი არა - ჩვენ ომში - აქ - საქართველოში და "იქ" - უკრაინაში!

ნიცშემჭირხვნელს ეს, რა თქმა უნდა, არ აინტერესებს!“- წერს ირაკლი ტაბლიაშვილი.