„ნაციონალური მოძრაობის“ ერთ-ერთი ლიდერი გიგა ბოკერია პრემიერის პრესკონფერენციას მძიმე სურათს უწოდებს და აცხადებს რომ ეს არის პოლიტიკური შიზოფრენია და აუცილებელია ამ შიზოფრენიის დემოკრატიული გზით დასრულება:

„ძალიან მძიმე სურათი ვიხილეთ ყველამ, ვინც უსმინა პრემიერ ღარიბაშვილს, პრემიერი ასე ხედავს ვითარებას ქვეყანაში, რომ ყველაფერი ჯამში არის კარგად. ეკონომიკაში, სამუშაო ადგილების შექმნაში, სოციალურ საკითხებში ყველაფერი მიდის წინ, პირველ ადგილზე ვართ რეგიონში, პუტინი არ არის მტერი, მაგრამ მტერი არის სააკაშვილი და პოლიტიკური ოპონენტები ზოგადად, უკრაინას უნდა გავემიჯნოთ და თავდაცვის სამინისტროს განცხადება შინაარსით არის აბსოლუტურად ადეკვატური.

მან დაადასტურა ის , რისი ეჭვებიც ყველას გვქონდა, რომ განცხადება დაწერილი იყო ივანიშვილის მითითებით. ეს არის, ერთი სიტყვით რომ ვთქვათ პოლიტიკური შიზოფრენია, სხვა დიაგნოზი აქ არ არსებობს და ჩვენი, ყველას ვალი და ქვეყნის ინტერესია, რომ ეს პოლიტიკური შიზოფრენია დემოკრატიულად არჩევნების გზით რაც შეიძლება სწრაფად დავასრულოთ."- განაცხადა ბოკერიამ.