თინა ხიდაშელი ჟურნალისტებთან საუბრისას აცხადებს, „კაკო ბობოხიძის დღევანდელმა საქციელმა მეც კი გამაკვირვა, მიუხედავად იმისა, რომ დედამიწის ზურგზე არანაირი უზრდელობა კაკო ბობოხიძისგან არ გამიკვირდებოდა“. მისი თქმით ყოველთვის უსიამოვნოა პარლამენტში მსგავსი ხელჩართული ჩხუბი და დეპუტატებს მეტი ადეკვატურობისკენ მოუწოდებს.

,,ძალიან სამწუხაროა. კაკო ბობოხიძე ყველაფერს აკეთებდა მთელი ამ ორი წლის განმავლობაში იმისთვის, რომ აქამდე მიეყვანა საქმე. მისმა დღევანდელმა საქციელმა მეც კი გამაკვირვა, მიუხედავად იმისა, რომ დედამიწის ზურგზე არანაირი უზრდელობა კაკო ბობოხიძისგან არ გამიკვირდებოდა. მან დღეს მეც კი გამაოცა. მესმის, რომ ნერვები ვერ მოთოკეს ჩვენმა კოლეგებმა, თუმცა ყოველთვის უსიამოვნოა და ნამდვილად ვერავინ ვერაფრით ვერ მოიწონებს, როდესაც პარლამენტში ასეთი ხელჩართული ჩხუბი ხდება", - განაცხადა თინა ხიდაშელმა.

პარლამენტში დეპუტატები ერთმანეთს პლენარულ სხდომაზე ევროსაბჭოს საპარლამენტო დელეგაციაში კვოტების გადანაწილების საკითხის განხილვისას ფიზიკურად დაუპირისპირდნენ.