რუსეთთან ურთიერთობის საკითხებში პრემიერის სპეციალური წარმომადგენლის ზურაბ აბაშიძის თქმით, „ნაციონალური მოძრაობა“ რუსეთის ხელისფულებას სისტემატიურად ხვდებოდა.

აბაშიძის თქმით, „ნაციონალებმა“ მანამდეც იცოდნენ, რომ რუსეთი ოკუპანტი იყო და თუ კონტაქტი არ უნდოდათ, ქვეყნის პირველ პირებს არ უნდა შეხვედროდნენ.

„მოდით კონსულტაციებს გავივლი მე „ნაციონალურ მოძრაობასთან“, რადგან წინა ხელისუფლება სისტემატიურად ხვდებოდა ბატონ პუტინსაც და რუსეთის ხელისუფლებასაც. 90-იან წლებში ეთნიკური წმენდა ჩატარდა აფხაზეთში, ამის შესახებ იცოდა წინა ხელისუფლებამ და თუ არ უნდოდა რუსეთის ხელისუფლებასთან კონტაქტი არ უნდა შეხვედროდა. ზნეობა ეხლა არ უნდა მოგაგონდეს ადამიანს ოპოზიციაში რომ გადადიხარ“, - განაცხადა აბაშიძემ კითხვის საპასუხოდ, არის თუ არა პუტინი უკრაინის და საქართველოს საერთო მტერი.