„უკრაინაში სამართალდამცველებს ხელფასი მინიმუმ ორჯერ გაეზრდებათ“, - ამის შესახებ უკრაინის შს მინისტრის პირველმა მოადგილემ ეკა ზღულაძემ კიევში ჟურნალისტებთან საუბრისას განაცხადა. მისი თქმით, შესაბამის გადაწყვეტილებაზე გათვლები უკვე გაკეთებულია.

„ხელფასები გაუმჯობესდება და მნიშვნელოვნად გაიზრდება, მინიმუმ ორჯერ. არსებობს გათვლები. ვიძლევით გარანტიას, რომ ანაზღაურება გაიზრდება. ასევე იგეგმება პოლიციელების შემცირება, თუმცა საზოგადოებას ვპირდები, რომ ახალი თანამშრომლების აყვანა კონკურსისი მეშვეობით მოხდება. ჩვენ დავკარგავთ გარკვეული რაოდენობის თანამშრომლებს, მაგრამ ვიპოვით ახლებს“, - განაცხადა ზღულაძე.