საქართველოს პრემიერ-მინისტრი არ გამორიცხავს, რომ კოალიცია მომავალში კიდევ ერთმა სუბიექტმა დატოვოს.

ამის შესახებ ირაკლი ღარიბაშვილმა „ექსპო-ჯორჯიაში“ მედიასთან შეხვედრისას განაცხადა.

„ერთი წლის წინ არ არსებობდა საფძველი ვინმეს ეთქვა, რომ კოალიცია დაიშლებოდა. ჩვენ ვნახეთ რომ ჩვენი სურვილით არ მომხდარა ის, რომ სუბიექტი გავიდა კოალიციიდან. ასე, რომ ამის პროგნოზირება წინასწარ რთულია. ჩვენ არ ვართ მკითხავები, ჩვენ ვართ პოლიტიკოსები. კოალიციები იშლება, ახალი სუებიქტები გადიან და შემოდიან. ეს არის ჯანსაღი და დემოკრატიული პროცესი. მე არ ვისურვებდი, რომ ღიად ხდებოდა ეს. მე ვისურვებდი, რომ შიგნით ხდებოდეს სკაითხებზე შეთანხმება და თუ ვერ შევთანხმებოთ შემდეგ გამოდიოდეს ეს საზოგადოებაში. ალბათ ესეც დაიხვეწება. კოალიციის მართვა საკმაოდ რთულია და ჩვენ ამის გამოცდილება არ გვქონდა. ასე, რომ ჩვენ 1 და 2 წელში მოვახერხეთ ის, რასაც თანამედროვე ევროოპა რამდენიმე წელს ანდომებდა. კოალიცია დაიშლება თუ არა, ამას დრო გვაჩვენევს“, - განაცხადა პრემიერმა.

კითხვაზე გამორიცხავს, თუ არა მომავალში კოალიციიდან კიდევ ერთი სუბიექტის გასვლას, ღარიბაშვილმა უპასუხა: „არაფერს არ გამოვრიცხავ, პოლიტიკაში არაფრის გამორიცხვას არ შეიძლება. ადამიანი ძალიან მერყევია და მითუმეტეს ქართველი პოლიტიკოსები ამბიციურები არიან და ამბიციები გაუაზრებელი აქვთ. ისინი მოქმედებენ ვიწრო ინტერესებიდან გამომდინარე. ამ შემთხვევაში უშვებენ ყველაზე დიდი შეცდომას და ეს პოლიტიკოსის ყველაზე დიდი შეცდომაა, რაც პოლიტიკური გუნდის კრახს განაპირობებს“.