პრემიერმა მოსახლეობას ევროპარლამენტის მიერ საქართველო-ევროკავშირის ასოცირების შეთანხმების რატიფიცირება მიულოცა.

ირაკლი ღარიბაშვილი „ექსპო ჯორჯიაში“ მედიის წარმომადგენლებს მთვრობის მუშაობის ანგარიშს აცნობს.

„მინდა მთელ საზოგადოებას მოგილოცოთ ევროპარლამენტის მიერ საქართველო-ევროკავშირის შეთანხმების რატიფიცირება. ეს ჩვენი ქვეყნისთვის ძალიან მნიშვნელოვანია და ჩვენი ხალხის კიდევ ერთი წარმატებაა.ეს არის ევროპასთან დაახლოების მნიშვნელობის პროცესი, რომელიც ყველამ ერთად, ღირსეულად უნდა გაიაროს და წარმატებით დააგვირგვინოს. ეს არის ჩვენი ქვეყნის ევროპეიზაციის და მოდერნიზაციის სამოქმედო გეგმა. ჩვენ წარმატებით დავასრულეთ ვიზალიბერალიზაციის პირველი ფაზა და გადავედით მეორე ფაზაზე“,- განაცხადა პრემიერმა.