ავარო-კახეთის გზის მშენებლობა - იარაღის შემოდინების არხი აღმოსავლეთ საქართველოში

პოლიტიკა - 01:20, 26 Dec, 2014

2021

ავარო-კახეთის გზის მშენებლობა აღმოსავლეთ საქართველოსთვის სამხედრო ტექნიკის შემოდინების არხი შეიძლება გახდეს - ამის შესახებ პუტინის ყოფილი ეკონომიკური მრჩეველი ანდრეი ილარიონოვი აცხადებს. მისივე თქმით, პუტინს სჭირდება სამხედრო დერეფანი სომხეთსა და ყარაბაღში. ილარიონოვი არ გამორცხავს, რომ მოვლენების ასეთი განვითარების შემთხვევაში ბაქოს სანავთობო არტერია რუსეთის კონტროლის ქვეშ აღმოჩნდეს.

,,საგანგებო ტემპით მიმდინარეობს ავარო-კახეთის გზის რეაბილიტაცია. რაც, მომავალი წლიდან, აღმოსავლეთ საქართველოსთვის სამხედრო ტექნიკის შემოდინების არხი შეიძლება გახდეს. რუსეთის გენშტაბისთვის საჭიროა სამხელეთო დერეფნის ქონა სომხეთსა და მთიან ყარაბაღში. ამ შემთხვევაში, მილსადენები, რომლებიც აზერბაიჯანიდან საქართველოს გავლით თურქეთში გადის, შესაძლოა რუსეთის კონტროლის ქვეშ აღმოჩნდეს“, - აცხადებს ილარიონოვი და დასძენს, რომ აგრესიის კიდევ ერთი სამიზნე შესაძლოა ბალტიისპირეთი გახდეს - ,,სამხედრო თვითმფრინავების რეგულარული ფრენები მის საჰაერო სივრცეში და ჩრდილოეთ ევროპაში , ნატოს ნეიტრალიზებისთვის არის განკუთვნილი“, - ამბობს ილარიონოვი.