რუსეთის საგარეო საქმეთა მინისტრმა სერგეი ლავროვმა უკრაინის ნატოში გაწევრიანების მიზანშეწონილობაზე ისაუბრა და განაცხადა, რომ ეს იდეა უკრაინელებისთვის სახიფათოა. როგორც ლავროვმა აღნიშნა, უკრაინის ნატოში გაწევრიანების იდეა ასევე საფრთხეს უქმნის ევროპის უსაფრთხოებას.

“დარწმუნებული ვარ, უკრაინის ისტორიის ტრაგიკული ეტაპი იქნება გადალახული, რომ უკრაინელი ხალხი გაერკვევა და მოისურვებს მშვიდობის აღდგენას ყველა ინტერესების გათვალისწინების გზით. ჩვენ ღიად ვესაუბრებით ყველას, როდესაც ჩვენ გვეუბნებიან რომ ომი გავაჩაღეთ. მაგრამ, თუ ჩვენ ვართ აგრესორები, რატომ ვიღებთ ლტოლვილებს? შევქმენით როსტოვის ოლქში და სხვა რეგიონებში დროებითი განთავსების დაწესებულებები, რომლებიც, გაერომ როგორც, სამაგალითო ისე აღიარა”,-განაცხადა ლავროვმა.

უკრაინის რადამ გუშინ უკრაინის ბლოკგარეშე სტატუსი გააუქმა, რასაც რუსეთის მხრიდან უარყოფითი რეაქცია მოჰყვა.