საქართველოს უსაფრთხოებისა და კრიზისების მართვის საბჭოს მდივანი, დავით სუჯაშვილი და საბჭოს მდივნის მოადგილე გიორგი ზედელაშვილი, საქართველოში თურქეთის რესპუბლიკის საგანგებო და სრულუფლებიან ელჩს, ლევენთ გუმრუქჩუს შეხვდნენ. შეხვედრა გაცნობითი ხასიათის იყო. მხარეებმა არსებული ორმხრივი თანამშრომლობის საკითხები და სამომავლო გეგმები განიხილეს. ასევე, იმედი გამოთქვეს თურქეთსა და საქართველოს შორის არსებული თანამშრომლობის კიდევ უფრო გაღრმავების შესახებ.

„ დღეს ჩვენ შევხვდით თურქეთის ელჩს ბატონ ლევენთს. იცით, რომ თურქეთი არის საქართველოს მნიშვნელოვანი, სტრატეგიული მეზობელი. ეს გაცნობითი ხასიათის შეხვედრა იყო, განვიხილეთ თურქეთსა და საქართველოს შორის უსაფრთხოების სფეროში თანამშრომლობის საკითხები.“ - განაცხადა საქართველოს უსაფრთხოებისა და კრიზისების მართვის საბჭოს მდივანმა, დავით სუჯაშვილმა.

“დღეს ჩვენ გვქონდა გაცნობითი სახის შეხვედრა. ბატონ სუჯაშვილს მივულოცეთ ახალ თანამდებობაზე დანიშვნა და ვუსურვეთ წარმატებები ამ მეტად საპასუხისმგებლო საქმეში. შეხვედრამ გულწრფელ გარემოში ჩაიარა. განვიხილეთ საქართველოს უსაფრთხოებისა და კრიზისების მართვის საბჭოს თურქეთის უსაფრთხოების საბჭოსთნ შესაძლო თნამშრომლობის საკითხები. როგორც მოგეხსენებათ, რეგიონში მნიშვნელოვანი მოვლენები ხდება, ამიტომ ხაზი გავუსვით იმ გარემოებას, რომ შესაბამისმა უწყებებმა უნდა ითანამშრომლონ ერთმანეთთან ურთიერთობების გაღრმავების მიზნით. იმედს გამოვთქვამთ, რომ ბატონი სუჯაშვილის თანადგომით მოხდება არსებული ურთიერთობების გაღრმავება.“ - განაცხადა საქართველოში თურქეთის რესპუბლიკის საგანგებო და სრულუფლებიანმა ელჩმა , ლევენთ გუმრუქჩუმ.