„თავისუფალ დემოკრატების“ ერთ-ერთი ლიდერის ზურაბ აბაშიძის აზრით ოკუპირებულ ცხინვალსა და რუსეთს შორის დაგეგმილი ე.წ. ინტეგრაციის ხელშეკრულება სერიოზულ პრობლემებს შეუქმნის თავად რუსეთსაც.

აბაშიძეს მიაჩნია, რომ საქართველოს მთავრობა საერთაშორისო პარტნიორებთან მუშაობისას უფრო აქტიური უნდა იყოს , მისი თქმით ხელისუფლება საგარეო ასპარეზზე ოკუპაციის პრობლემაზე მუშაობისას უფრო აქტიური იყო მაშინ, როცა მათი პარტია ხელისუფლებაში იყო.

„ზოგადად ამ ხელშეკრულების შესრულების პერსპექტივაც ეჭვქვეშ დადგება. მთავრობამ უნდა იაქტიუროს საგარეო ურთიერთობის კუთხით, რაც, სამწუხაროდ, არ ჩანს ისე დამაჯერებლად, როგორც ჩანდა, როცა „თავისუფალი დემოკრატები” იყვნენ ხელისუფლებაში. მაგრამ ამ პროცესებთან მიმართებით, ჩვენ, როგორც ოპოზიციური ძალა, მზად ვართ, უფრო აქტიურად ვითანამშრომლოთ ჩვენს უცხოელ პარტნიორებთან,” - აცხადებს აბაშიძე.