დეპუტატი, მიხეილ მაჭავარიანი, მთავრობას უმოქმედობაში ადანაშაულებს. მისი თქმით პუტინი იმას აკეთებს რაც სურს, ხოლო მთავრობა კი ამას ან ვერ გებულობს ან არ უნდა რომ გაიგოს. „ნაციონალური მოძრაობის“ წევრი ამბობს რომ კარასინთან აბაშიძეს ისე აგზავნიან, როგორც სააკაძემ გააგზავნა თავისი შვილი შაჰ აბასთან.

„პუტინი იმას იზამს, რაც უნდა. ამოცანა შემდეგშია, ჩვენი მთავრობა ან ვერ გებულობს ამას ან არ უნდა რომ გაიგოს. პუტინი ამ გზით ცდილობს მიზნის მიღწევას, რომელსაც პოსტსაბჭოთა სივრცის დაუფლება ჰქვია. მიუხედავად რუსეთის საგანგაშო ქმედებისა, საქართველოს მთავრობა ელაქუცება მათ და ცუდს არ ლაპარაკობენ. კარასინთან აბაშიძეს ისე აგზავნიან, როგორც სააკაძემ გააგზავნა თავისი შვილი შაჰ აბასთან,“ - ამბობს მიხეილ მაჭავარიანი.