ინფრასტრუქტურის სამინისტროში უწყების საქმიანობის 2-წლიანი ანგარიშის წარდგენას მინისტრი დავით შავლიაშვილი ვერ დაესწრო. ანგარიში მინისტრის პირველმა მოადგილემ გიორგი ამაშუკელმა წარადგინა.

მისი თქმით, მინისტრის არყოფნის მიზეზი დეპუტატების მხრიდან აუთვისებელ ბიუჯეტთან დაკავშირებით გუშინ გამოთქმული კრიტიკა არ არის. როგორც ამაშუკელი განმარტავს, შავლიშვილი ანგარიშის წარდგენას ჯანმრთელობის მდგომარეობის გამო ვერ ესწრება.

რაც შეეხება 1 წლიან ანგარიშსს, მინისტრის მოადგილის თქმით, 11 თვის მონაცემებით, სამინისტროს ათვისებული აქვს 755 მილიონი ლარი და წლის ბოლომდე ბიუჯეტის ათვისება 95%-ით შესრულდება.

დასახელდა ასევე წლის განმავლობაში განხორციელებული ყველაზე მნიშვნელოვანი პროექტები. მათ შორის არის ქუთაისის შემოვლითი გზა. როგორც ცნობილია, მომავალ წელს სამინისტროს ბიუჯეტი 1 მილიარდ ლარამდე იქნება, საიდანაც თანხის უდიდესი ნაწილი გზების მშენებლობაზე დაიხარჯება.