პარლამენტში დღეს მაუწყებლის შესახებ კანონპროექტს უყრიან კენჭს. უმრავლესობის ნაწილი მიიჩნევს, რომ საკითხი დეტალურად უნდა იქნას შესწავლილი და სწორედ ამის შემდეგ უნდა იქნეს მიღებული გადაწყვეტილება. ნაწილი კი აქცენტს უმცირესობის განცხადებაზე ამახვილებს და მათ მოსაზრებას აბსურდულს უწოდებს. „ნაციონალური მოძრაობის“ თქმით, ახალი კანონპროექტი ეს არის შეტევა მედიის თავისუფლებაზე.

დარგობრივი ეკონომიკის კომიტეტის მიერ მომზადებული კანონპროექტის მიხედვით, რეკლამა კერძო ტელეკომპანიებში ერთ საათში 20%-ს არ უნდა აღემატებოდეს და საათში მხოლოდ 12 წუთი უნდა იყოს.