თუ ორშაბათს ნაცი იტყვის ორშაბათია და ხვალ სამშაბათი იქნებაო, თქვენ წარმოიდგინეთ მეც იგივე აზრი მექნება

სოც.მედია - 21:11, 24 Dec, 2014

2362

საკრებულოს წევრი "რესპუბლიკელი" დავით ზურაბიშვილი სოციალურ ქსელში პრემიერის იმ განცხადებას გამოეხმაურა, სადაც ირაკლი ღარიბაშვილმა განაცხადა, რომ თავდაცვის უწყების მიერ გავრცელებულ განცხადებაზე აჟიოტაჟი გაუგებარია და რომ მინისტრის ,,არც ეუხერხულება".
ზურაბიშვილმა პრემიერის განცხადება გააკრიტიკა- "დღეს თუ არ არ ეუხერხულება თავდაცვის მინისტრს ის ცნობილი განცხადება, გუშინწინ რაღაზე იყო შეწუხებული და რას აგზავნიდა თავის მოადგილეს საბოდიშოდ? ნაცმოძრაობის ისტერიას უხდიდა ბოდიშს?

ხოლო "შეუსაბამო, შეურაცხმყოფელი და დამაკნინებელი თავდაცვის სამინისტროსთვის" , როგორც თქვენ ბრძანებთ, არის არა იმ განცხადების გამო ატეხილი აჟიოტაჟი, არამედ იმ განცხადების შინაარსი. ამიტომ კეთილი უნდა ინებოს მინისტრმა და საჯაროდ განმარტოს: რაში იყო საქმე, რა მოხდა და პასუხისმგებელი პირიც დაისაჯოს."

ზურაბიშვილის სტატუსს კომენტარების სახით მრავალი გამოხმაურება მოჰყვა, ზოგიერთი კომენტარის ავტორის აზრით ზურაბიშვილი სიტუაციას ამწვავებს და მისი ეს გამწვავება " ნაცებთან ორკესტრირებულია"

აღნიშნულთან დაკავშირებით ზურაბიშვილის წერს:
"თუკი ოდესმე , რომელიმე ორშაბათს რომელიმე ნაცი იტყვის, დღეს ორშაბათია და ხვალ სამშაბათი იქნებაო, თქვენ წარმოიდგინეთ მეც იგივე აზრი მექნება, ანუ კვლავ ნაცებთან ორკესტრირებული გამოვა ეს ამბავი.

თქვენ კი წარმატებით შეგიძლიათ ამტკიცოთ ამ დროს, რომ რახან ნაცები ორშაბათს ამბობენ, ამიტომ ხუთშაბათია, მერე შაბათი იქნება პარასკევის გარეშე და საერთოდ მთელი ცხრა წელი ორშაბათიც შაბათი იყო მაგათი გადამკიდე."