მინდია ჯანელიძემ საზოგადოებას კითხვებზე პასუხი უნდა გასცეს- ხიდაშელი

პოლიტიკა - 20:19, 24 Dec, 2014

1834

საპარლამენტო უმრავლესობის წევრის, თინა ხიდაშელის ინფორმაციით, თავდაცვის მინისტრი მინდია ჯანელიძე უკრაინაში დაღუპული ალექსანდრე გრიგოლაშვილის დაკრძალვას ელოდება, რის შემდეგაც განცხადებას გააკეთებს.

როგორც ხიდაშელმა ჟურნალისტებს განუცახადა, აჟიოტაჟი უნდა დასრულდეს, მაგრამ ამას ერთი მცირე პირობა სჭირდება.

„მინდია ჯანელიძემ საზოგადოებას ვითარება უნდა აუხსნას და კითხვებზე პასუხი უნდა გასცეს. გარწმუნებთ, რომ ეს აჟიოტაჟი მაშინვე დასრულდება. როგორც გავიგე, მინისტრს კონკრეტული სტრატეგია ჰქონია არჩეული. მინისტრი ჯარისკაცის დაკრძალვას ელოდება და ამის შემდეგ გააკეთებს განცხადებას“, - აღნიშნავს ხიდაშელი.

შეგახსენებთ, უკრაინაში ქართველი მებრძოლის, ალექსანდრე გრიგოლაშვილის დაღუპვასთან დაკავშირებით საქართველოს თავდაცვის უწყებამ განცხადება გაავრცელა, სადაც მომხდარზე სრული პასუხისმგებლობა ყოფილი ხელისუფლების წარმომადგენლებს დააკისრა, რომლებიც საქართველოს მოქალაქეებს მოუწოდებენ, ქვეყნის ფარგლებს გარეთ მიმდინარე საბრძოლო მოქმედებებში მონაწილეობა მიიღონ. აღნიშნულ განცხადებას ხელისუფლების, ოპოზიციის და საზოგადოების მხირდან მწვავე კრიტიკა მოჰყვა. მოგვიანებით, თავდაცვის მინისტრის მოადგილემ, ლევან ღირსიაშვილმა განაცხადა, რომ განცხადება ტექნიკური შეცდლობა იყო და მინისტრთან შეთანხმებული არ ყოფილა.