"ტაბულას" დირექტორი თამარ ჩერგოლეიშვილი თავდაცვის მინისტრის მიერ მთავრობის კანცელარიის სათადარიგო გასასვლელით დატოვებას ეხმაურება:

"თავდაცვის მინისტრი თაგვივით გაეპარა ჟურნალისტებს. ცაში რუსული ბომბდამშენი რომ დაინახოს, ალბათ ნეხვის ჭიად გადაიქცევა."- წერს თამარ ჩერგოლეიშვილი.

შეგახსენებთ, მინდია ჯანელიძემ მთავრობის კანცელარია სხდომის დასრულების შემდეგ უკომენტაროდ დატოვა. ჟურნალისტები თავდაცვის მინისტრს სხდომის დასრულების შემდეგ თითქმის ერთი საათი ელოდნენ, თუმცა მოგვიანებით გაირკვა, რომ ჯანელიძემ სხდომათა დარბაზი სხვა გასასვლელით დატოვა.