მინდია ჯანელიძემ მთავრობის კანცელარია სხდომის დასრულების შემდეგ უკომენტაროდ დატოვა. ჟურნალისტები თავდაცვის მინისტრს სხდომის დასრულების შემდეგ თითქმის ერთი საათი ელოდნენ, თუმცა მოგვიანებით გაირკვა, რომ ჯანელიძემ სხდომათა დარბაზი სხვა გასასვლელით დატოვა.

მინდია ჯანელიძეს მედიასთან კომენტარი არც სხდომის დაწყებამდე გაუკეთებია. ცნობილია მხოლოდ მისი, მცირედი პასუხი გაზეთ „ალიასთან“ მიცემული ინტერვიუდან, - „მხოლოდ ჩემზე არ არის ლაპარაკი, თუ ამ ტენდენციას შესაბამისი სახელმწიფოებრივი პასუხი არ გაეცა, ეს ყველაფერი ცუდ ფორმებს მიიღებს“ - განაცხადა მან და ჟურნალისტს აღნიშნულ თემასთან დაკავშირებით ვრეც კომენტარს რამდენიმე დღეში შეპირდა.

თუ რა იგულისხმა მინისტრმა ჯანელიძემ სახელმწიფოებრივ პასუხში ან მოსალოდნელ ცუდ ფორმებში უცნობია. შეგახსენებთ, რომ მინისტრი მედიასთან მას შემდეგ არ გამოჩენილა რაც თავდაცვის სამინისტრომ უკრაინაში გარდაცვლილ ჯარისკაცთან დაკავშირებით სკანდალური განცხადება გაავრცელა. საზოგადოება და პოლიტიკოსთა უმრავლესობა, თავდაცვის მინისტრის განმარტებას ამ დრომდე ელის.