თავდაცვის სამინისტროში საკადრო ცვლილებები მიმდინარეობს. თანამდებობიდან გათავისუფლდნენ სამხედრო პოლიციის და კადრების სამსახურის ხელმძღვანელები. ასევე ცნობილი ხდება, რომ თავდაცვის მინისტრს ახალი მოადგილე ეყოლება.

როგორც „რუსთავი 2“-თან საუბრისას გენერალური შტაბის უფროსმა ვახტანგ კაპანაძემ განაცხადა, თავდაცვის უწყებაში შიდა საკადრო ცვლილებები მიმდინარეობს. თუმცა მას არ დაუკონკრეტებია რას უკავშირდება ეს ცვლილებები.

„არავინ გათავისუფლებულა. ეს არის შიდა პროცესები, რომელიც უწყებაში მიმდინარეობს. სუხიშვილი იქნება ჩემი მრჩეველი“, - აცხადებს კაპანაძე.

რაც შეეხება მინისტრის მოადგილეს „კურიერის“ ინფორმაციით, ამ თანამდებობას გიორგი ბეროშვილი დაიკავებს.