სასჯელაღსრულების მინისტრმა თანამშრომლების ჩაცმულობის რეგულაცია დაიწყო და შესაბამისი ბრძანებულებაც გამოსცა.

„რა არის გაუგებარი რამე არ მოგწონთ? ჩემი პოზიცია გამოხატულია ბრძანებაში, სამინისტრო სამინისტროს უნდა გავდეს.“- განაცხადა გიორგი მღებრიშვილმა ჟურნალისტებთან თემის კომენტირებისას.

აღნიშნულ საკითხთან დაკავშირებით კომენტარი გააკეთა სასჯელაღსრულების სამინისტროს ყოფილმა თანამშრომელმა ლალი მოროშკინამ, მისი თქმით ჩაცმის შესახებ რეგულაციები ისედაც არსებობდა, წესების გამკაცრება კი ალბათ გარკვეულმა სიტუაციებმა გამოიწვია.

„იქ მყოფი ადამიანები არიან მონატრებულები გარესამყაროს, და მათთვის ნებისმიერი დეტალი თუნდაც ბრენდული ძალიან გამაღიზიანებელია, რაც ძაბავს ურთიერთობას ადმინისტრაციის თანამშრომლებსა და მსჯავრდებულებს შორის, ამიტომ ეს რეგულაცია არსებობდა.

შესაბამისად, მე ეჭვი მაქვს რომ რაღაც მოხდა , რომელიღაცა თანამშრომელი, რომელსაც არც თვითცენზურა აქვს და არც თვითშეგნება და რადგანაც ასეთი გადაცდომა მოუვიდა საერთოდ მისი ადგილი არაა საჯარო სამსახურში, ბატონი გიორგი რომელიც არის ძალიან ტაქტიანი, იძულებული გახდა კანონის სახით გამოეცა ეს.“- აცხადებს მოროშკინა