მაუწყებლის შესახებ შესატან ცვლილებებსა და მასში არსებულ სადავო საკითხებზე მსჯელობა გაგრძელდება დღეს საკანონმდებლო ორგანოში, დოკუმენტს კი პირველი მოსმენით რიგგარეშე სხდომაზე უყრიან კენჭს.

შეუთანხმებელი რჩება მთავარი საკითხი, თუ რა ხანგრძლივობით უნდა განთავსდეს რეკლამა ეთერში.

დარგობრივი ეკონომიკის კომიტეტის მიერ მომზადებული კანონპროექტის მიხედვით, რეკლამა კერძო ტელეკომპანიებში ერთ საათში 20%-ს არ უნდა აღემატებოდეს და საათში მხოლოდ 12 წუთი უნდა იყოს.2019 წლიდან კი ის 15%-ით უნდა განისაზღვროს.

კერძო კომპანიების წარმოამდგენლეთა აზრით, ცვლილება სამი წლის განმავლობაში უნდა ამოქმედდეს, რადგან მომავალი წლის სარეკლამო ბიუჯეტები თითქმის ყველა კომპანიაში უკვე დაგეგმილია.

კიდევ ერთ-ერთი საკითხი, რაც ასევე შეუთანხმებელია და რასაც გუშინდელ სხდომაზე დაპირისპირებაც მოყვა, საზოგადოებრივ მაუწყებელს შეეხება. კერძო კომპანიები იმ ნორმის ამოღებას ითხოვდნენ, რომლის მიხედვითაც საზოგადოებრივ მაუწყებელს ბიუჯეტიდან დაფინანსების მიუხედავად, სპონსორების მოძიების საშუალებაც ექნება. კომიტეტმა ეს წინადადება არ გაიზირა.