„თავისუფალი დემოკრატების“ ერთ-ერთი ლიდერი ალექსი პეტრიაშვილი უკრაინაში ქართული ლეგიონის მეთაურის განცხადებას გამოეხმაურა, რომლის თანახმად ირაკლი ალასანიამ თავდაცვის უწყებიდან რამდენიმე ვეტერანი გაუშვა.

როგორც გადაცემა „არჩევანში“ პეტრიაშვილმა განაცხადა, სამხედროების გაშვების და სამსახურში დაბრუნების შესახებ გადაწყვეტილებას ირაკლი ალასანია არ იღებდა.

"გენერალურ შტაბში იყო შესაბამისი კომისია, დაკომპლექტებული სამხედროებით და სამოქალაქო ნაწილი იყო ცალკე გაყოფილი. გენერალური შტაბი არჩევდა განცხადებების მიხედვით და 2 ათას კაცზე მეტი იქნა აღდგენილი 2 წლის განმავლობაში სამხედრო სამსახურში", - განაცხადა ალექსი პეტრიაშვილმა.