„თავისუფალი დემოკრატების“ ერთ-ერთი ლიდერის ალექსი პეტრიაშვილის თქმით, თავდაცვის მინისტრს, რომ თავმოყვარეობა ჰქონდეს აქამდე გადადგებოდა.

ამის შესახებ პეტრიაშვილმა გადაცემა „არჩევანში“ განაცხადა.

„მას რომ თავმოყვარეობა ჰქონდე უკვე უნდა გადამდგარიყო. პრემიერმა მას მოუწოდა, რომ ბოდიში მოეხადა, თუმცა ამ დრომდე მინისტრ ჯანელიძის განცხადება არ მომისმენია. იმედია უახლოეს საათებში ან დღეებში გააკეთებს ამას. გამიჭირდება იმკის თქმა, თუ რა მოქმედებები აღადგენს მის იმიჯს და ავტორიტეტს საქართველოს შეიარაღებულ ძალებში“, - განაცხადა პეტრიაშვილმა.

ალსანიას გუნდის წევრის თქმით, ისეთი დელიკატური განცხადებები, რომელიც რამდენიმე დღის წინ თავდაცვის უწყებამ გაავრცელა, მინისტრის და მისი მოადგილეების დონეზე არ კეთდება.

„დიდი პრაქტიკა მაქვს ბატონ ჯანელიძესთან ურთიერთობის. ის ყოველთვის დისტანცირებდა პოლიტკური განცხადებებიდან. ჩემი პრაქტიკიდან გამომდინარე, ასეთი დელიკატური პოლიტიკური განცხადებები არ კეთდება სტაჟიორების, პიარის დეპარტამენტის თანამშრომლების და მინისტრის მოადგილის ან მინისტრის დონეზე. ეს არის პრობლემატური შემთხვევა“, - განაცხადა პეტრიაშვილმა.