„მაესტროს“ ერთ-ერთი მფლობელი, გია გაჩეჩილაძე ტელეკომპანიაში მიმდინარე პროცესებზე პირველ კომენტარს აკეთებს.

მისი თქმით, ტელევიზიაში კოკა ყანდიაშვილის მისვლის შესახებ ინფორმაცია სიახლეს წარმოადგენს და ამ საკითხის გარკვევას აპირებს.

„ყანდიაშვილს აქვს თავისი სამსახური და ის თუ „მაესტროში“ მუშაობას იწყებს, ეს ჩემთვის სიახლეა. გასარკვევი მაქვს ეს საკითხი“, - განაცხადა გაჩეჩილაძემ.

იგი ტელეკომპანიიდან ჟურნალისტების წასვლის თემასაც შეეხო და აღნიშნა, რომ ეს ჩვეულებრივი პროცესია.

„გაჩუმებული ვარ და არაფერს არ ვაკეთებ. ჩემი პოზიცია არის ის, რომ ის წილი არის ჩემი და მორჩა და გათავდა. რაც შეეხება ჟურნალისტების წასვლას, ეს არის ჩვეულებრივი სამუშაო პროცესი. ჟურნალისტები წავიდნენ და ზუსტად ეხლა ვარკვევთ, თუ რატომ მიდიან ჟურნალისტები. სწორედ გარკვევის პროცესში ვარ. 3-4 წლის განმავლობაში ტელევიზიის ბადეში და მენეჯმენტში არ ჩავრეულვარ, მაგრამ ეხლა დამაინტერესა თუ რატომ ხდება ეს ყველაფერი“, - განაცხადა გაჩეჩილაძემ „რუსთავი 2“-თან საუბრისას.