ტელეკომპანია „მაესტროში“ მოვლენების განვითარება არა რამდენიმე დღის წინ, არამედ უფრო ადრე დაიწყო. ამის შესახებ ტელეკომპანიის ყოფილმა პროდიუსერმა სოფო ზურაბიანმა განაცხადა.

მისი თქმით, „მაესტროზე“ აღარ დარჩა არც ტელევიზიის არც ერთი სახე, გარდა კოკა ყანდიაშვილისა.

„იყო ძალიან ბევრი კომენტარი იმასთან დაკავშირებით, რომ ამდენი ჟურნალისტი მხოლოდ კოკა ყანდიაშვილის გამო წამოვიდა. კოკა ყანდიაშვილი კანცელარიის თანამშრომელია. თუ არხს დააკვირდებით, მასზე აღარ დარჩა არც ერთი სახე. ბოლო სახეები ნინო ჟიჟილაშვილი და ვასიკო ოდიშვილი ტელევიზიაში აღარ არიან“, - განაცხადა სოფო ზურაბიანმა.