ეკონომიკის მინისტრი გიორგი კვირიკაშვილი რუსეთსა და ე.წ. სამხრეთ ოსეთს შორის ე.წ ხელშეკრულების შესაძლო გაფორმებას გამოეხმაურა.

მისი თქმით, ამ ფაქტს აუცილებლად მოჰყვება რეაგირება საერთაშორისო საზოგადოებისგან.

„ეს არის რუსეთის მხრიდან საქართველოს ანექსიისკენ გადადგმული კიდევ ერთი ნაბიჯი. ეს არანაირ იურიდიულ ძალას არ ფლობს, რადგან ამოვარდნილია ყოველგვარი საერთაშორისო ნორმებისა და შეთანხმებებისგან. საქართველოს არ ექნება არცერთი ნაბიჯი უკან და არ შესუსტდება საქართველოს პოლიტიკა ოკუპირებულ ტერიტორიებთან მიმართებაში. ჩვენ გვაქვს საერთაშორისო საზოგადოების მხარდაჭერა და ისევე როგორც აფხაზეთთან მიმართებაში, ამ შემთხვევაშიც იქნება დაგმობილი რუსეთის ეს ქმედება“, - განაცხადა კვირიკაშვილმა.