"თავისუფალი საქართველოს" იმერეთის ორგანიზაციის ხელმძღვანელმა გოგი წულაიამ ქუთაისის მთავარი საფინანსო დოკუმენტი დაწვა.

წულაიამ დღეს ქუთაისის მერიასთნ საგანგებო ბრიფინგი გამართა, სადაც ბიუჯეტის პროექტი გააკრიტიკა.

მისი თქმით, ხელისუფლება ქალაქის „გაცალმტვერებას, დაწვას და დანგრევას გეგმავს".

„თქვენ გინდათ ეს ქალაქი დაანგრიოთ და დაფერფლოთ. თუ მასეა, მე თქვენს მიერ მიღებულ ბიუჯეტს დავწვავ და დავფერფლავ. ამ ფურცლებს არ დავყრი აქ, ფერფლი დაცვივდება ძირს და თუ დამიწერენ ადმინისტრაციულ ჯარიმას ჯანდაბას დამიწერონ ოღონდ ეს დაიწვას,“ - განაცხადა გოგი წულაიამ.