სასჯელაღსრულების მინისტრის, გიორგი მღებრიშვილის თქმით, ციხეებში აღარავის სცემენ და აღარავის აწამებენ. ამის შესახებ მღებრიშვილმა ჟურნალისტებთან საუბრისას განაცხადა.

რაც შეეხება არასამთვრობო ორგანიზაციების მიერ გავრცელებულ ინფორმაციას კონკრეტული პატიმრების მიმართ არაადამიანურ მოპყრობაზე, მინისტრის თქმით, თითოეულ საქმეზე გამოძიება მიმდინარეობს.

"ერთი რამ ზუსტად ვიცი, რომ ციხეებში არავის აღარ სცემენ და აღარ აწამებენ. ერთეულ ინფორმაციებზე, რომელიც ვრცელდება, აღძრულია სისხლის სამართლის საქმეები. ჯერჯერობით შედეგი ჯერ დადებული არ არის. ყველა საქმეს, რომელზეც გამოძიება არ არის დაწყებული, სწავლობს გენინსპექცია. შესაძლოა, ორ ადამიანს შორის ჩხუბი მოხდეს, ეს იქნება თანამშრომელს და მსჯავრდებულს შორის, მსჯავრდებულსა და მსჯავრდებულს შორის. ამაზე მკაცრი რეაგირება აქვს სამინისტროს, - განაცხადა გიორგი მღებრიშვილმა.