უმრავლესობის წევრი მანანა კობახიძე ტელეკომპანია „მაესტროს“ ირგვლივ განვითარებულ მოვლენებს ეხმაურება.

დეპუტატის თქმით, მისთვის უცნობია თუ რის გამო მოხდა რეორგანიზაცია ტელეკომპანიაში და ამბობს, რომ ეს „მაესტროს“ შიდა საქმეა.

„მფლობელი შეიცვალა, პოლიტიკა იცვლება, თუ რა ხდება, ეს ჩემთვის უცნობია. ეს მათი შიდა საქმეა. მე არ შემიძლია ვიცოდე, თუ რა ხდება „რუსთავი2“-ში და როგორ განსაზღვრავს ნიკა გვარამია სარედაქციო პოლიტიკას, ვის გაუშვებს, ვის მოიწვევს და რომელ საათზე გაუშვებს „კურიერს“, ეს შეიძლება მე ვიცოდე? რა თქმა უნდა, ასევე არაფერი ვიცი „მაესტროსთან“ დაკავშირებით. ხელისუფლება ამ პროცესებს არ აკონტროლებს და ვერც გააკონტროლებს“, - განაცხადა კობახიძემ.