„თუ საქართველოში რუსული გაზი შემოვა,იცოდეთ მაინც რომ "მაესტრო"კოტე გოგელიას ამ ბიზნესს შეეწირა", - ამის შესახებ გაზეთ „ქრონიკა+“-ს რედაქტორმა ელისო კილაძე „ფეისბუქის“ საკუთარ გვერდზე დაწერა.

აღნიშნულთან დაკავშირებით „ნიუპოსტი“ კილაძეს დაუკავშირდა. მისი თქმი, გოგელიას ამ ბიზნესის ლობირებაში ის ადამიანების ეხმარებიან, ვისაც მან „მაესტროს“ დამოუკიდებლობა დაუთმო.

„გოგელიამ გადაწყვიტა, რომ საკუთარ ბიზნესს, რომელიც ქვეყნის დედაქალაქში რუსული გაზის შემოტანას გულისხმობს, ლობირება გაუწიოს. ამის სანაცვლოდ მან „მაესტროს“ სარედაქციო დამოუკიდებლობა დათმო. გოგელიამ დათმო „მაესტროს“ დამოუკიდებლობა იმ ადამიანებისთვის, ვინც მას ამ ბიზნესის ლობირებაში დაეხმარებიან და ეს ადამიანები გავარკვიოთ ერთად. ვიცი ვინც არიან ეს ადამიანები, თუმცა ამ ეტაპზე დასახელებისგან თავს შევიკავებ. რაც შეეხება ხუბუტიას, მას გოგელიასთან ერთად არ მოვიაზრებ, ისევე როგორც არ მოვიაზრებ დავით კეზერაშვილს, რადგან სრულიად წარმოუდგენელია ჩემთვის, რომ კოკა ყანდიაშვილი კეზერაშვილის არჩევანი იყოს“, - განაცხადა კილაძემ „ნიუპოსტთან“ საუბრისას.

კილაძე არ გამორიცხავს, რომ ამ ყველაფერთან კავშირი თავდაცვის ყოფილ მინისტრს ირაკლი ოქრუაშვილს ჰქონდეს

„ოქრუაშვილი კოტე გოგელიასთან ერთად იყო „ქართული პარტიის“ ერთ-ერთი დამფუძვნებელი და სახე. ისინი იყვნენ გამტარები ფეესბეს ფინანსებისა "ქართულ პარტიაში". არ გამოვრიცხავ, რომ ამ ყველაფერში ოქრუაშვილის ჩართული იყოს“, - ამბობს კილაძე.