ახალგაზრდა იურისტთა ასოციაცია საყდრისთან დაკავშირებით პარლამენტში დღს პეტიციას წარადგენს. საია მიიჩნევს, რომ მსოფლიო მნიშვნელობის არქეოლოგიური ობიექტის განადგურების საკითხზე დროებითი საგამოძიებო კომისია უნდა შეიქმნას.

პეტიციას ხელს ორი ათასზე მეტი ადამიანი აწერს.

"პეტიციის ძირითადი არსი მდგომარეობს იმაში, რომ პარლამენტის თავჯდომარემ დააყენოს დროებით საგამოძიებო კომისიის შექმნის საკითხი. ხელმომწერების რაოდენობა მიუთითებს იმაზე, რომ ეს საკითხი უნდა დადგეს დღის წესრიგში საქართველოს პარლამენტში, მითუმეტეს, რომ ამ დრომდე პროკურატურის მიმართ ნდობა დაბალია", - აცხადებს საია-ს იურისტი სულხან სალაძე.

საია საკანონმდებლო ორგანოში მისვლას 3 საათისთვის აპირებს.