მთავრობის ადმინისტრაციასთან და კულტურის სამინისტროსთან საყდრისის გადარჩენის კომიტეტის წევრები და სტუდენტები დღეს აქციას განაახლებენ. შესაძლოა საპროტესტო აქცია გაიმართოს ბიძინა ივანიშვილის ბიზნესცენტრთანაც.

აქციის მონაწილეები ამბობენ, რომ ისინი პირადად არავის წინაღმდეგ არ არიან და მათი მთავარი მიზანი სამუშაოების შეჩერება და კულტურული მემკვიდრეობის შენარჩუნებაა.

გუშინ „არემჯი გოლდის“ თანამშრომლებმა აქცია გამართეს. მათი თქმით, თუ კომპანიამ ოქროს მოპოვების ლიცენზიის გაგრძელება ვერ მოახერხა, ეს მუშაობის შეჩერებას და თანამშრომლების უმრავლესობის დათხოვნას გამოიწვევს.