ტელეკომპანია „მაესტროზე“ განხორციელებულ რეორგანიზაციაზე, კომენტარს არხის გენერალური დირექტორი ბაია გადაბაძე აკეთებს. „კურიერთან“ საუბარში გადაბაძემ განაცხადა, რომ სარედაქციო დამოუკიდებლობას საფრთხე არ შეექმნება.

რაც შეეხება არხზე კოკა ყანდიაშვილის გადასვლას, გადაბაძე აღნიშნავს, რომ ყანდიაშვილის მისვლის შემთხვევაში, ის საინფრომაციო პოლიტიკაში არ ჩაერეოდა.

„ძალიან ვწუხვარ ყველა წასული ჟურნალისტის გამო, იმიტომ რომ ისინი არიან ჩემი კოლეგები. მიმაჩნია, რომ მათ მიიღეს წინასწარი გადაწყვეტილება. ეს ნიშნავას იმას, რომ მათ აქვთ ეჭვი, რომ მათ სარედაქციო დამოუკიდებლობაში ვინმე ჩაერევა. ეს ჩემთვის კატეგორტიულად მიუღებელია. გუშინდელ თათბირზე პირადად დავდექი მე იმის გარანტად, რომ მათ არავინ ჩაერეოდა და თუკი ასეთი პრეცედენტი მოხდებაოდა, მეც მათთან ერთად დავტოვებდი არხს. რაც შეეხება კოკა ყანდიაშვილს, მიმაჩნია რომ ჩანაცვლებაზე საუბარი არასწორია, რადგან არავინ არავითი არ ნაცვლდებოდა. კოკა შესაძლოა მოსულიყო ამ არხზე, ჩვენ მასთან ვაწარმოებდით მოლაპარაკებებს დიდი ხნის განმავლობაში, მაგრამ კოკა არანაირ მონაწილეობას მენეჯმენტში არ მიიღებდა. ამას კატეგორიუკლად ვამბობ. მე ნინო ჟიჟილაშვილი არ გამითავისუფლებია თანამდებობიდან. მე მას შევთავაზე სავარუდო ბადე, რაც მისთვის იყო მიუღებელი, ის ამბობდა, რომ დარჩებოდა ეთერში მხოლოდ ცხრიანის წამყვანად. ჟიჟიმ არხიდან წასვლის გადაწყვეტილება თავად მიიღო“, - განაცხადა ბაია გადაბაძემ.