„ნაციონალური მოძრაობის“ ინფორმაციით უკრაინაში ქართველი ჯარისკაცის დაღუპვასთან დაკავშირებით თავდაცვის სამინისტროს განცხადება კრემლის დავალებით მომზადდა.

პარტიის ერთ-ერთი ლიდერის გიგა ბოკერიას თქმით, მომდხარის გამო თანამდებობა უნდა დატოვონ თავდაცვის მინისტრმა და მისმა მოადგილეებმა.

„ვერსია, რომელიც არსებობს და რომელზეც ზოგიერთი ხელისუფლების წარმომადგენელიც კი საუბრობს, არის მკაფიო, რომ პირდაპირ კრემლის ზარის შემდეგ მოხდა ამ განცხადების გაკეთება. ღარიბაშვილს დღემდე არ განუმარტავს, თუ რა პოზიცია აქვს, კერძოდ, მას იმ ადამიანების მიმართ, რომლებიც საქართველოს და უკრაინის თავისუფლებისთვის იბრძვიან უკრაინაში პუტინის აგრესიის წინააღმდეგ და ყველა შემთხვევაში, მინისტრის და მისი მოადგილეების თანამდებობაზე დატოვება არის ღიად დადასტურება იმისი, რომ ივანიშვილი და მისი დავალებით ღარიბაშვილი არიან კრემლის დაკვეთით ავტორები ამ განცხადების,“ - განაცხადა ბოკერიამ.