"განსხვავება ნამდვილ კაცს და ჩვრებს შორის, თავის თავს საქართველოს ხელისუფლებას რომ ეძახიან"

პოლიტიკა - 13:32, 22 Dec, 2014

2726

საზოგადოებრივი მოძრაობა „ივერიას“ ერთერთი დამფუძნებელი, საგარეო საქმეთა ყოფილი მინისტრი გრიგოლ ვაშაძე უკრაინაში ბელარუსის პრეზიდენტის ვიზიტს სოციალურ ქსელში ეხმაურება:
"ბელორუსის პრეზიდენტი ა. ლუკაშენკო კიევში ჩავიდა. იმ ქვეყნის დედაქალაქში, რომელიც რუსეთის აგრესიის მორიგი მსხვერპლი გახდა, და სადაც ჯერ საქართველოს არც "პრეზიდენტი" და არც "პრემიერი" არ ჩასულან.
მან უკრაინის პრეზიდენტს კამერების წინ და მოსკოვის გასაგონად უთხრა: "...Я вам еще раньше сказал: надо будет от Беларуси что-то - скажи, мы тебе за сутки все сделаем, что ты попросишь. Все, что Президент Украины ни просил, публично говорю, мы всегда все делали. И так будет впредь".
პოლიტიკოსობას ვინ ჩივის, - ეს არის განსხვავება ნამდვილ კაცს და იმ ჩვრებს შორის, თავის თავს საქართველოს ხელისუფლებას რომ ეძახიან."- წერს ვაშაძე
შეგახსენებთ 21 დეკემბერს , კიევში უკრაინის პრეზიდენტმა თავის ბელარუს კოლეგას უმასპინძლა, ბელარუსის პრეზიდენტმა ლუკაშენკომ პოროშენკოს დახმარება აღუთქვა და განაცხადა, რომ ოფიციალური მინსკი მზადაა უკრაინის ხელისუფლებასა და პრორუს სეპარატისტებს შორის შუამავლის ფუნქცია შეასრულოს.

"ეს ადრეც გითხარით და ახლაც გავიმეორებ: თუ არის ისეთი რამ, რაც გჭირდებათ ბელორუსისგან, უბრალოდ მითხარით. ჩვენ ამას 24 საათში გავაკეთებთ. ჩვენთვის ეს თამაში არაა. ჩვენ მეზობლები ვართ. მოძმე ერები. ამბობენ, რომ ლუკაშენკოს რაღაცის ეშინია. მე არაფრის არ მეშინია," - განაცხადა ლუკაშენკომ.