„თავისუფალი დემოკრატების“ ლიდერი ირაკლი ალასანია უკრაინაში გარდაცვლილ ჯარიკაცზე თავდაცვის სამინისტროს განცხადებას უხეშს და შეურაცხმყოფელს უწოდებს.

მისი თქმით, სამინისტროს მიერ გავრცელებული განცხადების გამო კონკრეტული პასუხისმგებლობა უნდა დადგეს.

„გამიჭრიდება ჩემი შემცვლელის პასუხისმგებლობაზე საუბარი, რადგან ერთი თვის წინ თავად ვიყავი თავდაცვის მინისტრი. თუმცა ეს იყო მართლაც ძალიან უხეში, გაუგონარი და შეურაცხმყოფელი განცხადება. ყველა მეომარი, რომელიც მტერთან ბრძოლაში დაიღუპება, ჩვენ შესაბამისი ღირსებით უნდა ვიგლოვოთ და პატივი მივაგოთ. ამ კუთხით კონკრეტული პასუხისმგებლობა რომ უნდა დადგეს, ეს ნათელია, მაგრამ ჯერ თავდაცვის სამინისტრო თავად უნდა გაერკვეს, რამ გამოიწვია ასეთი განცხადების გავრცელება", - განაცხადა ირაკლი ალასანიამ.