„თავისუფალი დემოკრატების“ ერთ-ერთი ლიდერი ალექსი პეტრიაშვილი ხელისუფლებას რამდენიმე თხოვნით მიმართავს.

„მივმართავ ხელისუფლებას:

1. გამოვიდეს პირადად თავდაცვის მინისტრი და აიღოს პასუხისმგებლობა თავდაცვის სამინისტროს უპასუხისმგებლო განცხადებაზე;

2. დაკმაყოფილდეს "თავისუფალი დემოკრატების" მოთხოვნა საყდრისი-ყაჩაღიანის უნიკალური ისტორიული ძეგლის, ჩვენი კულტურული მემკვიდრეობის ბარბაროსულად განადგურების ფაქტზე საპარლამენტო საგამოძიებო კომისიის შექმნის თაობაზე;

3. დაკმაყოფილდეს ე.წ. "კაბელების საქმეში" ჩართული ადვოკატების მოთხოვნა შსს-თვის კომპანია "დელტაკომის" მომსახურების ანაზღაურებასთან დაკავშირებული ინფორმაციის გასაჯაროებაზე;

ნუ გაქვთ საახალწლო განწყობის იმედი! გადადგით დროულად ნაბიჯები; სირაქლემის პოზაში დგომამ და საზოგადოების დიდი ნაწილის იგნორირებამ ნაციონალური მოძრაობა მიწაზე დაანარცხა; თქვენც იმავე, თქვენთვის საბედისწერო შეცდომებს უშვებთ; ოღონდ უფრო სწრაფად!“, - წერს პეტრიაშვილი "ფეისბუქის" პირად გვერდზე.