თავდაცვის სამინისტროს ირგვლივ ატეხილ ამბავს, სოფლის მეურნეობის მინისტრი ოთარ დანელია ეხმაურება და საკითხს უხერხულ გაუგებრობად აფაასებს. მისი თქმით არსებობს პიარის ჯგუფები, რომლებიც ერთმანეთში კონსულტაციებს გადიან და ამ დონეზე ხდება ხოლმე თემების განხილვა.

"მე ვფიქრობ, რომ ეს იყო აშკარად გაუგებრობა, მითუმეტეს, ვეყრდნობით გაკეთებულ განცხადებას, რომ საბოლოო ვარიანტი არ იყო მინისტრთან შეთანხმებული. როგორც ჩანს, ეს იყო უხერხული გაუგებრობა. ზოგადად, არსებობს პიარის ჯგუფები, რომლებიც ერთმანეთში კონსულტაციებს გადიან და ამ დონეზე ხდება ხოლმე თემების განხილვა. მხოლოდ ერთის თქმა შეიძლება, ეს ჰგავს ძალიან უხერხულ გაუგებრობას და მეტს არაფერს. ბუნებრივია, ეს არ იქნებოდა მიზანმიმართული რაღაცა არასწორი აღქმისათვის", - განაცხადა ოთარ დანელიამ.