განათლების მინისტრს თამარ სანიკიძეს მიაჩნია, რომ განცხადება, რომელიც სამინისტრომ გაავრცელა და რომელმსაც საზოგადოების პროტესტი გამოიწვია, ნამდვილად მიუღებელია, თუმცა ამის გამო ვინმეს თანამდებობრივი პასუხისმგებლობის საკითხი არ უნდა დადგეს.

„გულდასაწყვეტია რაც მოხდა. ვისურვებდი, უფრო მეტი დაფიქრებით მოეკიდონ მსგავსი განცხადებების გაკეთებას, მაგრამ კიდევ ერთხელ ვამბობ კარგია რომ გაირკვა, კარგია რომ აიღეს განცხადება. არ მგონია ეს საკითხი იმ ხარისხში უნდა ავიყვანოთ, როცა ვინმეს პასუხისმგებლობის საკითხი უნდა დადგეს,“ - განაცხადა თამარ სანიკიძემ.