რუსული ავიაკომპანია საქართველოს საავიაციო ხელისუფლებას უპირისპირდება

პოლიტიკა - 10:22, 22 Dec, 2014

1429

რუსული ავიაკოამპანია "ტრანსაერო" საქართველოს საავიაციო ხელისუფლებას რუსეთსა და საქართველოს შორის გაფორმებული შეთანხმების დარღვევაში ადანაშაულებს.

ამის შესახებ კომპანიის მიერ გავრცელებულ განცხადებაშია ნათქვამი.

"საქართველოს საავიაციო ხელისუფლების უარი, რომელიც ეხება თბილისი-მოსკოვის მიმართულებით ფრენების შერსრულებაზე უარის თქმას, ორ ქვეყანას შორის მიღწელი შეთანხმების დარღვევაა. შეთანხმების თანახმად, უნდა გაუქმდეს ყველა შეზღუდვა, რომელიც აქამდე ფრენების რაოდენობასთან დაკავშირებით არსებობდა," - ნათქვამია განცხადებაში.

მათი განმარტებით, რუსეთის ხელისუფლებამ კომპანიას მიანიაჭა რეგულაური ავიაგადამზიდავის სტატუსი თბილისი - მოსკოვის რეისებზე. ასევე მათი ინფორმაციით, „ტრანსაერომ“ მიიღო თბილისის საერთაშორისო აეროპორტისაგან სლოტები, რომელზე დაყრდნობითაც შემუშავდა ფრენების განრიგი.

რეისების შესრულება 21 დეკემბერს უნდა დაწყებულიყო, თუმცა საქართველოს საავიაციო ხელისუფლებამ მას პრობლემები შეუქმნა და ფრენების უფლება არ მისცა.

როგორც ცნობილია, კომპანიას უკვე გაყიდული ბილეთების თანხის მგზავრებისათვის უკან დაბრუნება მოუწევს.

"საქართველოს საავიაციო ხელისუფლების მსგავსი მიდგომები ხელს უშლის საქართველოსა და რუსეთს შორის რეგულარული ავიარეისების განვითარების დინამიკას," - განმარტავენ კომპანიაში.