,,დრაკონი რუსეთი“ - თუ გვინდა თანაარსებობა, მარტო შენს ინტერესზე არ უნდა იფიქრო

,,დრაკონი რუსეთი“ - თუ გვინდა თანაარსებობა, მარტო შენს ინტერესზე არ უნდა იფიქრო - ივანიშვილი

პოლიტიკა - 23:55, 21 Dec, 2014

2535

როცა ვამბობთ რუსეთთან კარგი ურთიერთობა, რას ნიშნავს რუსეთთან კარგი ურთიერთობა რომ არ შეგვჭამოს - ოლიკო ბაბლუანის ამ კითხვაზე ივანიშვილმა უპასუხა, რომ თუ გინდა თანაარსებობა, მარტო შენს ინტერესებზე არ უნდა ფიქრობდე.

,,თქვენ კარგი კითხვა დასვით და პასუხიც თქვენი ნაწილობრივ სიმართლეს შეესატყვისება... რა თქმა უნდა სახელმწიფომ უნდა იზრუნოს და სახელმწიფო მოხელეებმა უნდა იზრუნონ, რომ ქვეყანა უნდა დაიცვას ყოველგვარი უბედურებისგან, ჩვენ უნდა მოვახერხოთ თანაარსებობა და არასდროს უნდა ვიფიქროთ, რომ ჩვენ ვიღაცას მოვატყუებთ და ვიღაცას დავჩაგრავთ, თავშივე უნდა იფიქრო, რომ როდესაც გინდა არსებობა, თუ გინდა თანაასრებობა, შენ მარტო საკუთარ ინტერესებზე არ უნდა ფიქრობდე. შენ უკვე უნდა ფიქრობზე მის ინტერესებზეც, რომ მისთვისაც საინტერესო იყოს შენი თანაცხოვრება",-აცხადებს ივანიშვილი,

,,ვიცით, რომ რუსეთი დრაკონია, შევთანხმდეთ ამაზე...“ - ბაბლუანის ამ შეფასებაზე ივანიშვილმა მიუგო, რომ ,,სახელმწიფოს შეურაცხყოფა არ უნდა მივაყენოთ, დღევანდელი სახელმწიფო და დღევანდელი პოლიტიკა არასწორია და ძალინ დიდი პრობლემებს უქმნის არამარტო რეგიონს, არამედ მთელს მსოფლიოს, მთელი მსოფლიო დაძაბულია რუსეთის პოლიტიკით, მაგრამ ძალიან ცდილობენ და ჩვენც უნდა ვეცადოთ შიგნით თუ გარეთ, რომ ყველა ადამიანი პოზიტივში გადავიდეს და ჩვენ ჩვენი მხრიდან უნდა გავაკეთოთ ყველაფერი ამისთვის"-განაცხადა ივანშვილმა გადაცემაში "მშიბდობით იარაღო".